Moun souvan tonbe akòz yo glise, bite, oswa pèdi ekilib yo. Plizyè milyon moun tonbe chak ane epi blese kò yo. Lakay ti granmoun Ozetazini yo, tonbe se kòz ki pi kouran blesi twomatik nan sèvo yo. Chak 20 minit, yon ti granmoun mouri akoz yon chit. Men fason pou w redwi ris pou w tonbe ankò:
-
Panse ak chit la. Èske te gen yon bagay ki te lakòz ou tonbe ou ka ranje, retire, oswa ranplase?
-
Met lakay ou an sekirite lè w retire objè ki nan wout w ap pase yo ki ka fè w tonbe, tankou fil kouran.
-
Mete antiderapan anba tapi yo. Pa itilize mokèt oswa ti tapi.
-
Itilize tapi ki pa glise nan benwa ak douch yo.
-
Mete ba pou apiye nan twalèt la ansanm ak anndan ak deyò douch la.
-
Mete ranp ak limyè sou eskalye yo. Ranp yo ta dwe nan de bò eskalye yo.
-
Itilize limyè lannwit.
-
Pa mache nan zòn ki pa byen klere.
-
Pa monte sou chèz oswa echèl k ap souke.
-
Fè atansyon lè w rive anlè oswa lè w ap gade anlè. Pozisyon sa a ka lakoz ou pèdi ekilib.
-
Asire w soulye w yo bon pou ou, yo nan bon kondisyon, epi anba yo pa glise.
-
Mete soulye anndan ak deyò lakay ou. Pa mache pye atè oswa pa mete pantouf.
-
Pran prekosyon lè w ap monte ak desann eskalye yo, arebò wout yo ak lè w ap mache sou twotwa ki pa egal yo.
-
Si w pa gen bon ekilib, sonje itilize yon baton oswa yon machèt (beki kat pye). Pale ak founisè swen sante w la sou posiblite pou w fè yon evalyasyon ekilib.
-
Si chit ou a te gen rapò ak alkòl ou te bwè, sispann oswa redwi sou kantite alkòl ou bwè. Mande founisè w la èd si w panse w adikte ak alkòl epi w pa ka sispann.
-
Si w te tonbe akoz w ap pran medikaman pou w dòmi, pale sa ak founisè w la. Ou ka bezwen diminye sou dòz w ap pran an lè w pral dòmi pou si w reveye pandan nwit la pou w ale nan twalèt.
-
Pou diminye bezwen pou al nan twalèt lannwit:
-
Pa bwè likid pandan plizyè èdtan anvan w al kouche
-
Fè pipi anvan w al kouche
-
Gason yo ka mete yon vaz pipi bò tèt kabann yo a
-
Rete pi aktif posib. Ekilib, fleksibilite, fòs, ak andirans, yo tout soti nan fè egzèsis. Yo tout jwe yon wòl nan anpeche yon moun tonbe. Mande founisè w la ki kalite aktivite ki bon pou ou. Eseye fè kèk kalite egzèsis chak jou.
-
Al konsilte pou je w yon fwa pa ane oswa pi souvan si vizyon w chanje
-
Si w gen bèt nan kay la, verifye kote yo ye anvan w leve kanpe oswa mache pou w pa tonbe sou yo.
-
Regade tout medikaman w yo ak yon famasyen oswa yon lòt founisè. Pou w ka wè si gen ladan yo ki ka lakoz ou gen plis chans pou w tonbe. Fè regade tout medikaman w yo omwen yon fwa chak ane.
-
Si founisè w la konseye w yon nouvo medikaman, mande si efè segondè yo ap afekte ekilib ou.
-
Pa deplase byen vit soti nan yon pozisyon pou al nan yon lòt. Pa egzanp, pa kouri leve si w te chita. Sa ka lakòz vètij epi li ka lakoz ou tonbe.
-
Chita lè w ap mete pantalon, chosèt ak soulye. Sa ap fè gen mwens chans pou w pèdi ekilib ak tonbe.
-
Toujou fè founisè w la konnen si w te tonbe aprè dènye vizit ou a.
-
Kontakte founisè w la touswit si w gen pwoblèm ekilib oswa si w tonbe souvan.